Լոս Անջելեսում գործող Հայ իրավաբանների միությունը (Armenian Bar Association) այս տարի կրթաթոշակներ է տրամադրել իրավաբանական համալսարանների երեք հայ ուսանողների: Ինչպես «Նոյյան տապանին» տեղեկացրել են ՀՅԴ Արեւմտյան Ամերիկայի կենտրոնական կոմիտեի հանրային կապի գրասենյակից, այս տարի կրթաթոշակ կստանան Նաթալի Մարտիրոսյանը՝ Լոս Անջելեսի UCLA համալսարանից, Գարիկ Նահապետյանը՝ Լոս Անջելեսի մերձակա Էրվայն քաղաքի UCI համալսարանից, եւ Աստղիկ Սոլոմոնյանը՝ Երեւանի պետական համալսարանից: Հաղորդագրությունից տեղեկանում ենք, որ Հայ իրավաբանների միության կրթաթոշակ ստանալու գլխավոր պայմաններից են ուսանողների բարձր առաջադիմությունը եւ գործուն մասնակցությունը հայկական համայնքի կյանքին, հատկապես՝ մարդասիրական եւ իրավաբանական բնագավառներում:
