«Հայաստան» համահայկական հիմնադրամը տեղեկացնում է, որ հիմնադրամի Ֆրանսիայի տեղական մարմնի հովանավորությամբ՝ Լոռու մարզի Ձորամուտ համայնքում կառուցվում է ջրատար: Աշխատանքներն ավարտական փուլում են. 5 կմ ջրատարն ու ներքին ցանցն արդեն պատրաստ են, սեպտեմբերին կավարտվի նաեւ ջրամբարի կառուցումը: Գյուղի 120 ընտանիք շուտով կունենա շուրջօրյա ջրամատակարարում, եւ գյուղացիների կենցաղը կթեթեւանա: Հին ջրատարը վատթար վիճակում էր եւ խմելու ջուրը օրվա խնդիր էր դարձել:
Ձորամուտը Հայաստանի հյուսիսային սահմանի մոտ է, գյուղում բնակվում է ավելի քան 300 մարդ, որոնց մեծ մասը փախստական է:
