Վերջին 6 ամիսների ընթացքում Հարավկովկասյան երկաթուղում արձանագրվել է 8 դժբախտ պատահար: Համաձայն «ՀԿԵ» ՓԲԸ Աշխատանքի պաշտպանության ծառայության օպերատիվ տվյալների, որոնք «ԱրմԻնֆո» գործակալությանն է տրամադրել ընկերության մամուլի ծառայությունը, դժբախտ պատահարները վերջերս հաճախակիացել են: Այսպես, օգոստոսի 14-ից 17-ը արձանագրվել է 3 մահացու դժբախտ պատահար: Վերջինները տեղի են ունեցել Մասիս, Նորագավիթ եւ Իջեւան երկաթուղային վազուրդներում: «ՀԿԵ» ՓԲԸ-ն կոչ է անում հետիոտներին պահպանել գնացքների երթեւեկության գոտում գտնվելու անվտանգության կանոնները եւ հիշեցնում է, որ երկաթուղային տրանսպորտը հանդիսանում է բարձր վտանգի աղբյուր, եւ կոչ է անում քաղաքացիներին պաշտպանել միմյանց դժբախտ պատահարներից:
