Օգոստոսի 17-23-ը հայ եւ ադրբեջանցի երիտասարդները հանդիպում կունենան Ֆինլանդիայի Մարիեգամնե քաղաքում: Ինչպես հաղորդում է ANS PRESS-ը, հանդիպմանը կմասնակցեն նաեւ Ֆինլանդիայի եւ Շվեդիայի երիտասարդության ներկայացուցիչները, ինչպես նաեւ մի շարք արտասահմանցի փորձագետներ: Ալանդի համերաշխության ինստիտուտի կողմից կազմակերպված հանդիպմանը կմասնակցի հինգ երիտասարդ Հայաստանից, ինը՝ Ադրբեջանից: Երիտասարդները կքննարկեն հակամարտությունների, դրանց կարգավորման ուղիների վերաբերյալ թեմաներ, գենդերային խնդիրներ:
