Էրեբունի եւ Նուբարաշեն համայնքների ընդհանուր իրավասության դատարանի վարույթում է գտնվում Տերյանի անվան թիվ 60 միջնակարգ դպրոցի դաստիարակության գծով տնօրենի նախկին տեղակալ, գրադարանավարուհի Ծաղիկ Բաբայանի հայցադիմումը:
Տնօրեն Ալվարդ Առաքելյանի՝ անցյալ տարվա նոյեմբերի 1-ի հրամանով նա ազատվել է աշխատանքից: Հայցվորը հայցադիմումում նշել է, որ համաձայն չէ տնօրենի պատճառաբանության հետ, թե իրեն աշխատանքից ազատել է աշխատանքային պայմանագրի գործողության ժամկետը լրանալու կապակցությամբ: Ծաղիկ Բաբայանը պահանջում է անվավեր ճանաչել վերոնշյալ հրամանը, իրեն վերականգնել աշխատանքում եւ պարտավորեցնել պատասխանողին վճարել հարկադիր պարապուրդի ողջ ժամանակահատվածի համար:
