Իրանի իշխանությունները ժամանակավորապես արգելել են ընդդիմադիր թերթի հրապարակումը: Այս մասին հաղորդում է «tert.am»-ը՝ վկայակոչելով «Ազատություն» ռ/կ-ի ռուսական բաժնի հաղորդումը: Երեկ «Էթեմադ-է Մելլի» ընդդիմադիր թերթը Թեհրանի դատախազության կարգադրությամբ լույս չի տեսել: Հիշեցնենք, որ վերջերս այս թերթում հրապարակվել էին նյութեր, որոնք պատմում էին, թե ինչպես են բանտերում վարվում նախագահական ընտրություններին հետեւած անկարգությունների ժամանակ ձերբակալված ընդդիմադիրների հետ:
