Երեկ «Առավոտը» ստացել է արդարադատության նախարարության «Երեւան-Կենտրոն» քրեակատարողական հիմնարկի կալանավոր, իրավաբանական գիտությունների թեկնածու Հովիկ Բաբայանի դիմումը: Նա խնդրել է, որպեսզի իր հետ հանդիպի մեր թերթի լրագրողը: Նրա տեղեկացմամբ, իր պատմությունը կապված է բարձրաստիճան պաշտոնյայի կողմից իրեն ահաբեկելու, ծեծի ենթարկելու, իր եւ իր հղի կնոջն առեւանգելու հետ: Հ. Բաբայանը թերթին տրամադրել է անուններ, խնդրանքով, որ դրանք առժամանակ չհրապարակվեն, քանի որ իր համար կստեղծվի «շատ անբարենպաստ իրավիճակ, որը լի կլինի անդառնալի հետեւանքներով»: Նշենք նաեւ, որ ոչ անհայտ իրավաբան-կալանավորի ոդիսականն առնչվում է 2008թ. մայիսյան ընտրությունների հետ:
