«Առավոտին» է դիմել արդարադատության նախարարության «Վարդաշեն» քրեակատարողական հիմնարկի դատապարտյալ Արթուր Հովսեփյանը: Նա խնդրել է, որպեսզի իր նամակը տպագրվի ամբողջությամբ, «առանց կրճատման»: Նամակի մեկ օրինակը դատապարտյալն ուղարկել է հանրապետության նախագահին: Ա. Հովսեփյանը տեղեկացնում է, որ տառապում է 1-ին աստիճանի շաքարային դիաբետ հիվանդությամբ: Ներկայումս գտնվում է ՔԿՀ բժիշկների հսկողության տակ: Դատապարտյալն իր նամակով շնորհակալություն է հայտնում «Վարդաշենի» անձնակազմին, որ հիվանդ կալանավորի նկատմամբ ցուցաբերում են մարդասիրական մոտեցում:
