1998թ. իշխանափոխությունից հետո, որի համար շարժառիթ դարձավ ԼՂ հիմնախնդիրը, նկատի ունենալով նախկին նախագահ Ռոբերտ Քոչարյանին, շատերն ասում էին՝ ղարաբաղցին Ղարաբաղը չի տա: Հետո Ղարաբաղը «ծախելու» պատրաստակամության կամ ուղղակի դավաճանության մեջ կասկածվեցին նաեւ Հայաստանի՝ ծագումով ղարաբաղցի նախագահները՝ Քոչարյանը, հիմա նաեւ՝ Սերժ Սարգսյանը: Ինչպե՞ս սա հասկանալ: Ի պատասխան մեր այս դիտարկմանը՝ Հատուկ գնդի նախկին հրամանատար, գնդապես «Տրոսը»՝ Համլետ Հովհաննիսյանը, ասաց, թե ինքը այն ժամանակ էլ դեմ է եղել այդ հոգեբանությանը. «Արցախի ազատագրական պատերազմում իրենց կյանքը ավելի շատ հայաստանցիներ տվեցին, քան Երեւանում ապրող ղարաբաղցիներ: Երեւանում ապրող ղարաբաղցիների միայն մեկ տոկոսը գնաց պատերազմ: Հիմա հարցնում եմ՝ նրա՞նք են ավելի սրտացավ, թե՞ մենք»:Կարդացեք վաղվա համարում:
