Թուրքիայի վարչապետ Ռեջեփ Թայիփ Էրդողանը երեկ հայտարարել է, որ ինքը պատրաստ է «արմատական քայլերի դիմել քրդական հարցը լուծելու համար»,-ըստ tert.am-ի՝ տեղեկացրել է թուրքական «Hurriyet»-ը: Անկարայում տեղի ունեցած կուսակցական ժողովի ժամանակ, դիմելով ընդդիմադիր կուսակցությունների առաջնորդներին, ովքեր ավելի վաղ մերժել էին կառավարության հետ քրդական հարցը քննարկելու առաջարկը, Էրդողանն ասել է. «Միացեք եւ հեռու մի մնացեք այդ գործընթացից»: Նա նաեւ քրդամետ Ժողովրդավարական հասարակություն կուսակցության ներկայացուցիչներին կոչ է արել զերծ մնալ ժամանակ առ ժամանակ սադրիչ հայտարարություններ անելուց: Չմանրամասնելով, թե ինչ առաջարկություններով է հանդես գալու կառավարությունը, վարչապետը հայտարարել է, որ՝ «Թուրքիան ստիպված է բաց աչքերով նայել այդ խնդրին»:
