ՀՀ վարչապետ Տիգրան Սարգսյանն այսօր ընդունել է Միջպետական բանկի նորանշանակ նախագահ Իգոր Սուվորովին: Ըստ կառավարության տեղեկատվության եւ հասարակայնության հետ կապերի վարչության, Իգոր Սուվորովը ՀՀ վարչապետին է ներկայացրել բանկի գործունեությունը եւ ռազմավարությունը: Իգոր Սուվորովը նաեւ ներկայացրել է Հայաստանում իրականացվող ծրագրերը: Վարչապետն ու Միջպետական բանկի նախագահը խոսել են էներգետիկայի բնագավառին առնչվող ծրագրերից, անդրադարձել են «Նաիրիտ գործարան» ՓԲԸ-ի խնդիրներին ու զարգացման հեռանկարներին: Տիգրան Սարգսյանը վստահեցրել է, որ կաջակցի բանկի գործունեությանն առնչվող հարցերի լուծմանը:
