![\"\"](\"https://www.aravot.am/2009/aravot_arm/August/6/p01.jpg\")
Երեկ, երեկոյան «Երեւան-Կենտրոն» քրեակատարողական հիմնարկից ազատ արձակվեց քաղբանտարկյալ, «Մարտի 1»-ի գործով անցնող եւ «զանգվածային անկարգություններ կազմակերպելու» մեջ մեղադրվող, Հատուկ գնդի նախկին հրամանատար Համլետ Հովհաննիսյանը՝ հայտնի «Տրոսը»: Մարտիմեկյան դեպքերից հետո նա գտնվում էր հետախուզման մեջ, իրավապահներին կամովին ներկայացել էր հուլիսի 30-ին եւ նույն օրն էլ կալանավորվել էր: Երեկ նախաքննական մարմինը որոշում է կայացրել փոխել Համլետ Հովհաննիսյանի նկատմամբ 6 օր առաջ ընտրված խափանման միջոց կալանքը եւ այն փոխարինել ստորագրությամբ՝ երկրից չբացակայելու պայմանով: Այդ լուրն առաջինը, իհարկե, իմացել էին նրա պաշտպանները՝ Գիվի Հովհաննիսյանն ու Հովիկ Արսենյանը: Հենց նրանց ուղեկցությամբ էլ Հատուկ գնդի նախկին հրամանատարը «ներկայացավ» իրեն դիմավորողներին:
