Երկաթուղայինի միջազգային մասնագիտական տոնի շրջանակներում Հայաստանի նախագահի խորհրդատու, ՀՀ տրանսպորտի եւ կապի նախկին նախարար Անդրանիկ Մանուկյանը կպարգեւատրվի «Ռուսական երկաթուղիներ» ԲԲԸ զարգացման գործում ունեցած արժանիքների համար: «Շքանշանը կհանձնվի Անդրանիկ Մանուկյանին՝ ԱՊՀ երկրների երկաթուղային համակարգի կայուն աշխատանքի եւ զարգացման ապահովման, մի շարք արտադրական ու սոցիալական հարցերի լուծման, ինչպես նաեւ Ռուսաստանի ու Հայաստանի երկաթուղայինների միջեւ բարեկամական եւ աշխատանքային հարաբերությունների ամրապնդման համար»,- ասված է «Հարավկովկասյան երկաթուղիներ» ընկերության տարածած հաղորդագրության մեջ:
