1952 թվականից առայսօր աշխարհի ավելի քան 100 երկրներում սոցիալական տարբեր ծրագրեր իրականացրած ամերիկյան CHF կազմակերպությունը 2007 թվականից ծրագրեր է իրականացնում նաեւ Հայաստանում: 2007-ին CHF-ի եւ Գավառի քաղաքապետարանի ներդրմամբ հիմնանորոգվել է Գավառի մանկապատանեկան ստեղծագործության կենտրոնը: Իսկ այս տարի CHF կազմակերպությունը գումար է հատկացրել նախադպրոցական հաստատությունները վերանորոգելու համար: Նորոգվելու է մասնավորապես քաղաքի թիվ 4 մանկապարտեզը: Մանկապարտեզն ունի 4 խումբ եւ երեխաների թվով ամենամեծն է, բայց խոհանոցային պայմանները վատն են: Ծրագրի արժեքը՝ 12 միլիոն դրամ: Աշխատանքները կավարտվեն մինչեւ ձմեռ:
