Տեսնես ո՞վ է մեղավոր

ՀՀ տարածքային կառավարման նախարարությունը տեղեկացնում է, որ ՀՀ փոխվարչապետ, տարածքային կառավարման նախարար Արմեն Գեւորգյանը ՀՀ բնապահպանության նախարարի, Արմավիրի եւ Արարատի մարզպետների ու ՀՀ էներգետիկայի եւ բնական պաշարների փոխնախարարի հետ երեկ եղել է Արմավիրի եւ Արարատի մարզերում՝ Արաքս գետի հարակից տարածքներում գործող ավազի հանքավայրերում եւ պարզել, որ «մի շարք հանքավայրերում ավազի արդյունահանումն իրականացվում է տվյալ գործունեությունը կանոնակարգող նորմերի խախտմամբ»։

Խախտումներ արձանագրելուց հետո փոխվարչապետը հանձնարարել է ճշգրտել հանքավայրերի տեղադրման դիրքերը, պարբերաբար հետեւել ավազ արդյունահանող ընկերությունների գործունեությանը եւ ներկայացնել առաջարկություն՝ գործող նորմերը խախտած ընկերություններին պատասխանատվության ենթարկելու վերաբերյալ։