Այս շաբաթ «Առավոտը» երկու անգամ անդրադարձավ խորհրդային տարիներին ձեւավորված այգեգործական ընկերությունների բողոքին: Այս միությունները ուզում են վերականգնել խորհրդային տարիներին ունեցած իրավունքը՝ սեփական նախաձեռնությամբ փոփոխել այն հողակտորի տիրոջը, որը երկու տարի հողը չի մշակում:
ՀՀ կառավարությունը սրան դեմ է եւ երեկ որոշել է փոփոխել Սյունիքի, Արարատի, Գեղարքունիքի, Շիրակի, Արմավիրի մարզերի մի շարք հողերի կատեգորիաները ու մարզպետներին հանձնարարել՝ եթե նշված հողամասերը երեք տարվա ընթացքում նպատակային նշանակությամբ չօգտագործվեն՝ կառավարությունն ինքը կորոշի հողերի հետագա ճակատագիրը:
