«Լույս հայի աչքերին» հայկական ակնաբուժական նախագծի շրջանակներում ակնաբուժական խմբերը 25 օր Տավուշի մարզում մատուցել են անվճար ծառայություններ: Ըստ մարզպետարանի, մարզի 4 տարածաշրջաններից յուրաքանչյուրում 6-ական օր աշխատել է նաեւ աչքի շարժական հիվանդանոցը՝ անհրաժեշտության դեպքում տեսողության ստուգումից հետո հիվանդներին ուղեգրել են շարժական հիվանդանոց, որտեղ կատարել են լազերային բուժում, իսկ սոցիալապես անապահովներին՝ նաեւ վիրահատություն: Արդյունքում կատարվել է 177 վիրահատություն, 77 հիվանդ ստացել է լազերային բուժում, 18 տարեկանից բարձր շուրջ 1500 անձանց տրամադրվելու է ակնոց:
