Սերբիայում ավարտվեց ըմբշամարտի Եվրոպայի պատանիների առաջնությունը: Ազատ ոճայիններից հետո մրցագորգը տրամադրվել էր հունահռոմեական ըմբիշներին: Այս ձեւում Հայաստանը մրցավայր էր գործուղել ութ քաշային կարգի ըմբիշների: Հանրապետության հավաքականի անդամներից լավագույն արդյունքը ցույց տվեց 50 կգ քաշային Լյուդվիգ Քոչարյանը, որն ի վերջո բարձրացավ պատվո պատվանդանի երրորդ աստիճանին՝ դառնալով միակ մեդալակիրը: Մրցանակային տեղ զբաղեցրին նաեւ հինգերորդը Ալբերտ Վարդանյանը՝ 42 կգ, Հայկ Արշակյանը՝ 58 կգ եւ Արթուր Պետրոսյանը՝ 63 կգ: Մեր մյուս ըմբիշներն իրենց քաշային կարգում ցույց տվեցին միջին եւ ցածր արդյունքներ: Թիմային պայքարում Հայաստանի հավաքականը 35 երկրների մրցակցությունում գրավեց 8-րդ տեղը:
