Պետեկամուտների կոմիտեն Արմավիրի, Իջեւանի, Նոյեմբերյանի եւ Գյումրիի հարկային տեսչությունների 43 թափուր տեղերի համար մրցույթ էր հայտարարել: Պետեկամուտների կոմիտեի լրատվական ծառայության տեղեկատվությամբ, 180 դիմորդներից հաղթող են ճանաչվել 36-ը, իսկ 7 տեղ դեռ թափուր է մնացել: Կոմիտեի նախագահ Գագիկ Խաչատրյանը գոհ է եղել նոր աշխատակիցների պատրաստվածությունից՝ կարեւորելով, որ նրանք ավելի լավ են տիրապետում համակարգչային տեխնիկային եւ մի քանի լեզու գիտեն: Պարոն Խաչատրյանը խոստացել է, որ եթե նոր աշխատակիցներն իրենց լավ դրսեւորեն, հանգիստ կկարողանան հետագայում շարքային աշխատողից ղեկավար պաշտոններ զբաղեցնել. «Ինձ տեղեկացրել են, որ նոր ընդունվածներից շատերն արդեն պատրաստի կադրեր են՝ կարող են անգամ բաժնի պետեր աշխատել: Իմ մոտեցումն այս է՝ եթե շրջանավարտը կամ դիմորդը խելացի է, ուրեմն համակարգում տեղ ունի»:
