Դանիայի Հելսինգոր քաղաքում շարունակվում է շախմատի «Պոլիտիկայի գավաթ» միջազգային բաց մրցաշարը, որին, ճշգրտված տվյալներով, ընդհանուր առմամբ մասնակցում է 307 շախմատիստ:
Ուժեղագույնների խմբում հանդես եկող հայաստանցի գրոսմայստեր, շախմատի համաշխարհային օլիմպիադայի հաղթող Գաբրիել Սարգսյանը անցկացված վեց տուրերում եւս հինգ գրոսմայստերների հետ կորցրել է ընդամենը կես միավոր: Լրացուցիչ գործակիցներով Գաբին ընթանում է երկրորդ հորիզոնականում: Իսկ աղյուսակը հարյուր տոկոսանոց արդյունքով գլխավորում է շվեդ Ջոննի Հեկտորը: Ըստ մրցաշարի պաշտոնական կայքի, հաջորդ տուրում Գաբրիել Սարգսյանը սեւերով հանդիպելու է իսրայելցի Եվգենի Պոստնիի հետ:
