Լրատվամիջոցները տեղեկացնում են, որ Թուրքիայում որոշվել է այն քաղաքը, որտեղ հոկտեմբերի 14-ին կայանալու է ֆուտբոլի աշխարհի 2010 թվականի առաջնության որակավորման փուլի Հայաստանի եւ այդ երկրի ազգային հավաքականների միջեւ պատասխան խաղը:
Թուրքիայի ֆուտբոլի ֆեդերացիան հայտարարել է, որ հանդիպումը կայանալու է Բուրսայի Աթաթյուրքի անվան ստադիոնում:
Հանդիպումը, որին, հնարավոր է, ներկա կլինի ՀՀ նախագահ Սերժ Սարգսյանը, նախապես որոշված էր, որ պետք է կայանա Թուրքիայի նախագահ Աբդուլա Գյուլի ծննդավայր Կայսերիի նորակառույց ստադիոնում: Սակայն տեղի ազգայնականները դրա դեմ 270 հազար ստորագրություն են հավաքել, դրա համար էլ հանդիպման վայրը փոխվել է:
