Այս տարվա ապրիլի 7-ին ընդունվեց եւ հաջորդ օրվանից ուժի մեջ մտավ «Հողի հարկի արտոնությունների մասին» ՀՀ օրենքը: Ընդամենը հինգ հոդվածից բաղկացած հազիվ մեկ էջ ծավալով օրենքով սահմանվեց՝ եթե ֆիզիկական անձը մինչեւ 2009 թվականի դեկտեմբերի 31-ը վճարի համայնքների վարչական տարածքում գտնվող գյուղատնտեսական նշանակության հողատարածքների համար հաշվարկված հողի հարկի գումարները (մինչեւ 2008 թվականի դեկտեմբերի 31-ը ներառյալ) առանց հաշվարկված տույժերի ու տուգանքների, ապա կազատվի մինչեւ 2008 թվականի դեկտեմբերի 31-ն ընկած ժամանակահատվածի համար հաշվարկված եւ չվճարված տույժերի եւ տուգանքների վճարումից: Ըստ ՀՀ տարածքային կառավարման նախարարության, հուլիսի 1-ի դրությամբ այս օրենքով սահմանված արտոնությունից օգտվել է արդեն 19 674 քաղաքացի:
