Հայաստանի արտգործնախարար Էդվարդ Նալբանդյանը երկուշաբթի «անիմաստ աղմուկ եւ աժիոտաժ» որակեց ղարաբաղյան կարգավորման գործընթացի եւ հայ-թուրքական հարաբերությունների կարգավորման շուրջ Հայ հեղափոխական դաշնակցության հնչեցրած բացասական կարծիքները, որոնք ուղեկցվում էին Նալբանդյանի հրաժարականի պահանջներով: «Եթե մինչեւ հիմա չենք մեկնաբանել Դաշնակցության՝ իմ հրաժարականի պահանջի վերաբերյալ հայտարարությունը, ուրեմն այդ պահանջը մեկնաբանության կարիք էլ չունի»,- «Ազատություն» ռադիոկայանի հարցին ի պատասխան հայտարարեց Հայաստանի արտգործնախարար Էդվարդ Նալբանդյանը:
