![\"\"](\"https://www.aravot.am/2009/aravot_arm/July/22/p11.jpg\")
Երեկ ԵԱՀԿ Մինսկի խմբի համանախագահները հանդես եկան հայտարարությամբ, որն անդրադառնում է անցած շաբաթ տեղի ունեցած մոսկովյան հանդիպմանը: Ըստ ԵԱՀԿ պաշտոնական կայքի, հայտարարության մեջ նշված է, որ քննարկումներն անցել են անկեղծ եւ կառուցողական մթնոլորտում, որը հնարավորություն է տվել բանավիճել հիմնարար սկզբունքների այն մի քանի տարրերի վերաբերյալ, որոնց հետ կապված տարաձայնություններն առայժմ պահպանվում են: Այնուհետեւ փաստաթղթում ասվում է, որ համանախագահները հուլիսի վերջին կհանդիպեն Կրակովում եւ կնախապատրաստեն «մադրիդյան փաստաթղթի» թարմացված տարբերակը: Համանախագահները մտադիր են նաեւ սեպտեմբերին այցելել տարածաշրջան եւ նախապատրաստել Հայաստանի եւ Ադրբեջանի ղեկավարների հաջորդ հանդիպումը, որը կարող է կայանալ սեպտեմբերի վերջին կամ հոկտեմբերին:
