Իսրայելի խորհրդարանի՝ Կնեսետի պատգամավոր Յուլի Թամիրը դարձել է համակարգչային հակերների զոհ: Խաբեբա ծրագրավորողները «ջարդել» են Յուլիի էլեկտրոնային փոստը եւ պատգամավորի անունից նրա բոլոր ծանոթներին ուղարկել են միեւնույն բովանդակությամբ նամակ. «Ես ճանապարհորդում եմ Մեծ Բրիտանիայում, ցավոք, հյուրանոցում գողացել են իմ ողջ ունեցած փողը, բջջային հեռախոսը: Ստիպված եմ ձեզ դիմել նամակով, խնդրում եմ ինձ ուղարկել 1500 ֆունտ ստերլինգ, որպեսզի ես վերադառնամ տուն»: Պարզելով, թե ինչ է կատարվում՝ Յուլի Թամիրը անմիջապես դիմել է ոստիկանություն եւ հրապարակավ խնդրել է խաբեբաների նշած հաշվեհամարին այլեւս փող չուղարկել:
