ԲՀԿ խմբակցության անդամ, ԱԺ տնտեսական հարցերի մշտական հանձնաժողովի փոխնախագահ Վարդան Բոստանջյանի գնահատմամբ. «Մադրիդյան սկզբունքները թերեւս ոչ այլ ինչ են, քան կոնֆլիկտների լուծման նախապես մտածված, որոշակիություն չպարունակող եւ, անհրաժեշտության դեպքում, յուրովի մեկնաբանվող սկզբունքների ամբողջություն, որոնք, որպես կանոն, օգտագործվում են գերտերությունների կողմից առկա կոնֆլիկտների լուծումը ձգձգելու եւ փակուղի մտցնելու համար: Նման մոտեցման կարեւորությունը, մեր կարծիքով, պայմանավորված է այն հանգամանքով, որ գերտերությունները դեռեւս չեն կարողացել ապահովել իրենց շահերի իմպերատիվությունը տվյալ տարածաշրջանում:
Լեռնային Ղարաբաղի հիմնախնդրի լուծման առումով կարելի է ընկալելի համարել միայն սկզբունքների այն դաշտը, որը միանշանակորեն ներառում է հանրապետության նախագահի կողմից ինքնորոշման, ցամաքային սահման ունենալու եւ անվտանգության մասին ամրագրված դրույթները»:
