ՀՀ ԱՆ «Նուբարաշեն» քրեակատարողական հիմնարկում նախնական կալանքում գտնվող եւ ՀՀ ՔՕ 258 հոդվածի 3-րդ մասի 1-ին եւ 2-րդ կետերի հատկանիշներով՝ «խուլիգանություն, որը կատարվել է մի խումբ անձանց կամ կազմակերպված խմբի կողմից» եւ զուգորդվել է «իշխանության ներկայացուցչին կամ հասարակական կարգի պահպանության պարտականություն իրականացնող կամ հասարակական կարգի խախտումը խափանող անձին դիմադրություն ցույց տալով», մեղադրվող Հայ ազգային կոնգրեսի անդամ Տիգրան Առաքելյանի առողջական վիճակը հուլիսի 15-ին կտրուկ վատացել էր: Նա խցում ուշագնաց էր եղել, նույն օրն էլ տեղափոխվել էր «Դատապարտյալների հիվանդանոց» քրեակատարողական հիմնարկ՝ նյարդային ցնցում ախտորոշմամբ: Ինչպես փոխանցում են արդարադատության նախարարության Քրեակատարողական վարչության լրատվական ծառայությունից, ներկայումս Առաքելյանի առողջական վիճակը բավարար է: Նա գտնվում է բժիշկների մշտական հսկողության տակ:
