ԱՄՆ-ԻՆ ՄԵՂԱԴՐԵԼ ԵՆ ՀՈՆԴՈՒՐԱՍՈՒՄ ՀԵՂԱՇՐՋՈՒՄ ԿԱԶՄԱԿԵՐՊԵԼՈՒ ՄԵՋ
ԱՄՆ-ի բանակն է կանգնած Հոնդուրասի հեղաշրջման ետեւում: Այս հայտարարությամբ է հանդես եկել Բոլիվիայի նախագահ Էվո Մորալեսը երկրի հանրային ռադիոընկերության եթերում: Այս մասին տեղեկացնում է Interfax-ը:
«Ես ունեմ տեղեկատվություն առաջին ձեռքերից, որի համաձայն՝ կայսրությունը (ԱՄՆ) Հարավային զինվորական հրամանատարության միջոցով Հոնդուրասում պետական հեղաշրջում է իրականացրել: Եվ այդ հեղաշրջումը ագրեսիայի եւ սադրանքի դրսեւորում է կայսրության կողմից»,- հայտարարել է Մորալեսը: «Հնարավոր է, որ ես չեմ ճանաչում Օբամային, սակայն կայսերական ուժերը մնում են գործողության մեջ»,- հավելել է Բոլիվիայի նախագահը:
