Երեկ Հայ ազգային կոնգրեսի կենտրոնական գրասենյակի համակարգող Լեւոն Զուրաբյանը հանդիպել է ՀՀ-ում Լիտվայի Հանրապետության արտակարգ եւ լիազոր դեսպան Գեդրիուս Ապուոկասի հետ: Հանդիպումը պայմանավորված է եղել նրանով, որ Եվրամիության նախագահությունը փոխանցվել է Շվեդիայի Թագավորությանը, որին Հայաստանում ներկայացնում է Լիտվայի դեսպանությունը: Հանդիպման ընթացքում քննարկվել են Հայաստանի ներքաղաքական իրավիճակի եւ ժողովրդավարության զարգացման հետ կապված հարցեր:
