Հայաստանի նախագահ Սերժ Սարգսյանը երեկ հեռախոսազրույց է ունեցել Իրանի Իսլամական Հանրապետության նախագահ Մահմուդ Ահմադինեջադի հետ եւ ցավակցել տեղի ունեցած ավիավթարի հետեւանքով մեծ թվով Իրանի քաղաքացիների զոհվելու կապակցությամբ: Իր հերթին Մ. Ահմադինեջադը ցավակցել է իր հայ գործընկերոջը: Ինչպես «Նոյյան Տապան»-ին հայտնեցին ՀՀ նախագահի մամուլի գրասենյակից, նախագահները պայմանավորվել են ավիավթարի պատճառների ուսումնասիրման եւ անհրաժեշտ քայլերի իրականացման հարցում երկու երկրների համապատասխան գերատեսչությունների գործակցությունը համակարգելու վերաբերյալ:
