Հուլիսի 13-ին Իջեւանի «Արնար» մարզադաշտում ընկերական խաղ անցկացրին բարձրագույն խմբի «Ուլիս» եւ առաջին լիգայի առաջատար Դիլիջանի «Իմպուլս» թիմերը: 2:0 հաշվով հաղթեց «Ուլիսը»: Ինչպես հայտնեց այս թիմի պետ Սլավա Սարգսյանը, «Ուլիսը» հուլիսի 12-ից ուսումնամարզական հավաք է անցկացնում այս մարզադաշտում եւ հուլիսի 19-ին ընկերական խաղում կհանդիպի Իրանի բարձրագույն խմբի առաջնության թիմերից մեկի հետ: Պրն Սարգսյանը գոհունակություն հայտնեց խաղադաշտի եւ մասնավորաբար խոտածածկի որակից: Սլավա Սարգսյանը մարզադաշտի սեփականատեր, իջեւանցի գործարար Արծրունի Ղալումյանին խնդրեց գործարկել նաեւ մարզադաշտին կից մարզումային դաշտը: Արծրունի Ղալումյանը խոստացավ, որ երկու ամսից այն պատրաստ կլինի: «Արնար» մարզադաշտը հայկական թիմերի համար կարող է ձմեռային ուսումնա-մարզական հավաքների լավ վայր լինել:
