Չկա մի օր, որ Վանաձորում սնկային թունավորումներ չլինեն: Բարեբախտաբար, մահվան ելք չի գրանցվել, սակայն տարօրինակն այն է, որ լուրջ միջոցառումներ չեն ձեռնարկվում սնկային թունավորումները բացառելու համար: Երեկ ԱԻՆ փրկարար ծառայությունը դարձյալ տեղեկացրեց, որ սնկային թունավորումով Վանաձոր քաղաքի թիվ 1 հիվանդանոց են տեղափոխվել նույն քաղաքի Գ. Նժդեհի փողոցի թիվ 7/4 տան բնակիչ՝ 21-ամյա Տաթեւիկ Ղազախեցյանը եւ Երեւանյան խճուղու թիվ 107/20 տան բնակիչ՝ 69-ամյա Հենրիկ Գրիգորյանը:
Ըստ բժիշկների` տուժածների վիճակը ծանր է:
