«Առավոտին» հասած տեղեկություններով, բրուցելոզ է տարածվել Շիրակի նախկին մարզպետ Ռոմիկ Մանուկյանի ծննդավայրում՝ Սարատակում: Գյուղապետին պատկանող անասուններից վարակվել է նրա անձնական հովիվը՝ Մանվել Մանուկյանը, սկզբում տեղափոխվելով Արթիկի հիվանդանոց, այնուհետեւ՝ տուն: Նա հիվանդանոցում պառկել է ընդամենը 4-5 օր: Սարատակի մեր աղբյուրների փոխանցմամբ, նա գտնվում է Սարատակի ամբուլատոր ծառայության բուժքրոջ հսկողության տակ: Մանվել Մանուկյանից բացի, բրուցելոզով վարակվել է նաեւ մեկ այլ վարձու հովիվ, որի անուն-ազգանունը գյուղացիներին հայտնի չէ: Այս ամենը մարզպետարանի պաշտոնյաները առայժմ գաղտնի են պահում:
