2009-2010 ուսումնական տարվանից այսօրվա տասը ավագ դպրոցներին կավելանա եւս 38-ը, 23-ը՝ մարզերում։ ՀՀ տարածքային կառավարման նախարարությունում կայացած քննարկման ժամանակ արձանագրվել է, որ ավագ եւ հիմնական դպրոցները ընտրվել են մարզպետների առաջարկով՝ հաշվի առնելով դրանց աշխարհագրական դիրքը, շենքային հնարավորությունները, որակյալ կադրերով ապահովվածությունը, այլ պայմաններ։ Սակայն հանրությունը՝ հատկապես մարզերում, ճիշտ ընտրություն կատարելու համար դեռեւս լավ իրազեկված չէ: Որոշվել է մարզ առ մարզ խնդիրը մանրակրկիտ քննարկել եւ տեղերում հասցնել ծնողներին եւ աշակերտներին։
