![\"\"](\"https://www.aravot.am/2009/aravot_arm/July/11/p6.jpg\")
Իրանի միջուկային ծրագրի դադարեցման նպատակով Իսրայելի կողմից այս երկրի վրա հարձակվելը կատարյալ աղետ կլինի: Այս կարծիքն է արտահայտել Ֆրանսիայի նախագահ Նիկոլա Սարկոզին՝ Ակվիլում անցկացվող Մեծ ութնյակի գագաթաժողովի ժամանակ: Այս մասին հայտնում է «ՌոսԲիզնեսԿոնսալտինգը»: Ֆրանսիայի նախագահը նշել է, որ իսրայելական կողմը պետք է հանգիստ հետեւի իրադարձությունների զարգացմանը: Սարկոզին նաեւ ասել է, որ Իսրայելը միայնակ չէ այս հարցում:
Նշենք, որ Իսրայելը մտավախություն ունի, որ Իրանը կարող է միջուկային զենք ստանալ, եւ պարբերաբար հայտարարություններ է անում, թե պատրաստ է հարվածներ հասցնել Իրանի միջուկային կետերի վրա: Մինչդեռ Իսրայելը, Մերձավոր Արեւելքում հանդիսանում է ոչ պաշտոնական միջուկային կայսրություն:
