ՀՀ Սփյուռքի նախարարությունը նախաձեռնել է «Ամուսնություն Հայրենիքիս օրհնությամբ» շարժումը՝ սփյուռքահայ երիտասարդների ամուսնությունների կազմակերպում Հայաստանում: Նախաձեռնությանը միացել է Երեւանի քաղաքապետարանը: Առաջին զույգը, որը արձագանքել է ՀՀ Սփյուռքի նախարարության կանչին, կանադահայեր Հակոբ Ապաճյանն ու Ծովիկ Լատոյանն են: Նրանց հարսանյաց հանդեսը տեղի է ունենալու հուլիսի 11-ին:
Հիշեցնենք, որ սրանից առաջ նույն նախարարությունը նախաձեռնել էր «Արի տունը»՝ սփյուռքահայ երեխաների երկշաբաթյա հանգիստ հայաստանյան ընտանիքներում: Նաեւ նախաձեռնել էր «Ավագների տուն» ծրագիրը. «Երեւանում՝ Նորքի բարձունքում, Արարատի փառահեղ հայացքի ներքո վերակառուցել մի շինություն, իր այգիներով եւ օժանդակ կառույցներով, հայ տարեցների համար»:
Այս շղթայի տրամաբանական շարունակությունը՝ «Կփափագիմ հանգչիլ հայրենիքում» ծրագիրը կարող է լինել երկրային կյանքն ավարտած սփյուռքահայերի հուղարկավորությունը Հայաստանում: Չի բացառվում՝ «Նորքի բարձունքում՝ Արարատի փառահեղ հայացքի ներքո»:
