![\"\"](\"https://www.aravot.am/2009/aravot_arm/July/11/p1.jpg\")
2008 թվականի նոյեմբերի 8-ին Երեւանում հայտարարված համաքաղաքային շաբաթօրյակի օրը, Արաբկիր համայնքի նախկին թաղապետ Ալբերտ Երիցյանի նախաձեռնությամբ, Երեւանի՝ այն ժամանակ դեռ քաղաքապետ Երվանդ Զախարյանը, ՀՀ գլխավոր դատախազ Աղվան Հովսեփյանն ու ինքը՝ համայնքի ղեկավարը, ծառատունկի շրջանակներում անվանական մի-մի եղեւնի էին տնկել թաղապետարանին հարող փոքրիկ զբոսայգում: Համայնքի բնակիչները երկու օր առաջ հայտնաբերել են, որ նախկին թաղապետի տնկած եղեւնին անհետացել է, ու դրանից մնացել է միայն ցուցանակը:
