Հուլիսի վերջին Մեծ Բրիտանիայում աթեիստ երեխաների համար կբացվի ամառային ճամբար, որի առանձնահատկությունը աշխարհիկ տարբեր գիտությունների շուրջ դասախոսությունների ունկնդրումն է: Ճամբարը հիմնել է Օքսֆորդի համալսարանի պրոֆեսոր, կենսաբան Ռիչարդ Դաուկինսը, ով հայտնի է աթեիզմի պրոպագանդայի համար: Ըստ qahana.am-ի՝ ճամբարում երեխաները կսովորեն սկեպտիկորեն ընկալել շրջապատող իրականությունը, երգել Ջոն Լենոնի երգերը, լողալ, թիավարել: Ճամբարը Սոմերսեթ քաղաքի մոտ է ու կտեւի 5 օր:
Ինչպես հաղորդում է «The daily Telegraph»-ը, ճամբար եկած երեխաները կունկնդրեն դասախոսություններ ռացիոնալ սկեպտիցիզմից, բարոյականության փիլիսոփայությունից եւ կենսաբանական էվոլյուցիայից: Սեմինար-պարապմունքների ընթացքում երեխաները կքննարկեն այնպիսի հայտնի երեւույթ, ինչպիսին հեռազգացողությունն է: Ճամբարի մասնակիցների տարիքը պետք է լինի 8-17 տարեկան:
