2009-ի հուլիսի 1-ից սկսած, առաջին բոնուսներն են տրամադրվում չշահած ՀԴՄ կտրոններ ունեցող քաղաքացիներին: Հիշեցնենք, որ, կառավարության որոշմամբ, ապրիլի 1-ից յուրաքանչյուր եռամսյակի ընթացքում քաղաքացիների ձեռք բերած եւ վիճակահանության արդյունքում չշահած կտրոնների համար հաջորդ եռամսյակի ընթացքում տրամադրվում է կատարած գնումների գումարին համապատասխան որոշակի բոնուս: Հուլիսի 1-ից մինչեւ սեպտեմբերի 30-ը բոնուս կտրամադրվի ապրիլ, մայիս, հունիս ամիսների կտրոնների համար: Քաղաքացիներն իրենց կտրոնները պետք է ներկայացնեն տարածքային հարկային տեսչություններ եւ ստանան համապատասխան միջնորդագիր՝ բանկից գումարը ստանալու համար:
Կտրոններ ներկայացնող քաղաքացին պետք է ստորագրի կտրոնների դարձերեսին, իսկ եթե ՀԴՄ կտրոնի դարձերեսին կա մեկից ավելի հատուկ համար, ապա խմբաքանակ կազմելիս այն համարվում է մեկ կտրոն:
