Շիրակի մարզպետարանից տեղեկացանք, որ այս տարվա առաջին կիսամյակում Գյումրիում ծնվել է 643 երեխա, 197-ով ավելի, քան 2008-ի առաջին վեց ամիսներին: 2008-ի առաջին կեսին Գյումրիում ծնվել էր 269 տղա եւ 194 աղջիկ, այս տարվա առաջին կեսում՝ 348 տղա, 283 աղջիկ:
Մարզպետարանից տեղեկացանք նաեւ, որ «Գյումրու ծննդատունը» մարզի հեռավոր համայնքներում՝ Աղին, Սառնաղբյուր, Ախուրիկ, Պեմզաշեն, Ամասիա, Բերդաշեն, Բանդիվան, Գառնառիճ, կազմակերպում է կանանց վերարտադրողական առողջությանը նվիրված «բաց դռների օրեր»: Իսկ տարեսկզբին ծննդատանը բացվել է «Մայրության դպրոց», ուր կարելի է տեղեկանալ ապագա մայրերի, փոքրիկի նախածննդյան եւ հետծննդյան օրերի, խնամքի հետ կապված հարցերին:
Ինչպես անցած տարիներին, այս տարվա առաջին կիսամյակում եւս չի գրանցվել ոչ նորածինների, ոչ էլ մայրերի մահացության որեւէ դեպք:
