Հուլիսի 11-ին Գեղագիտական ազգային կենտրոնում հայ հանդիսատեսի դատին կներկայացվեն ճապոնական ձեռարվեստի` օրիգամիի յուրահատուկ նմուշները: Օրիգամին թղթի պլաստիկայի յուրօրինակ արվեստ է: Նույն օրը երեկոյան Գեղագիտության կենտրոնի Փոքր թատրոնում կկայանա դասական ճապոնական քնարերգության թատերականացված բեմադրություն՝ «Գարուն, Ամառ, Աշուն, Ձմեռ…» վերնագրով: Աշխատանքները կատարվել են Գեղագիտության կենտրոնի սաների ձեռքերով:
Միջոցառմանը հրավիրված են ՀՀ մշակույթի նախարարը, Երեւանի քաղաքապետը, բարձրաստիճան այլ հյուրեր: Սկսած 2005 թ., Ճապոնիայի եւ Հայաստանի միջեւ իրականացվում է խոշոր քաղաքական-մշակութային ծրագիր՝ «Խաղաղության լապտերներ» խորագրով: Այս ծրագիրը մեծ արձագանք է ստացել Ճապոնիայում: Կենտրոնի ղեկավարության աջակցության շնորհիվ է անցկացվել սաների թատերականացված ներկայացումը ճապոներեն լեզվով, որը մեծ արձագանք է գտել ու հյուրընկալել Մոսկվայում՝ Ճապոնիայի դեսպանատան առաջին քարտուղար Իիդա Դզիրոյին:
