![\"\"](\"https://www.aravot.am/2009/aravot_arm/July/9/p12.jpg\")
Հուլիսի 9-ին ԱՄՆ Սենատի հատկացումների կոմիտեն կքննարկի Հայաստանին եւ Լեռնային Ղարաբաղին օգնություն տրամադրելու հարցը՝ արտաքին օգնության ակտի շրջանակներում անցկացնելով քվեարկություն: Ըստ «Նոյյան տապանի», հունիսին ԱՄՆ Կոնգրեսի հատկացումների կոմիտեի ընդունած որոշմամբ նախատեսվում է Հայաստանին տրամադրել 48 մլն դոլարի օգնություն, իսկ Լեռնային Ղարաբաղին՝ 10 մլն: Ամերիկայի Հայ դատի հանձնախումբը կոչ է անում ամերիկահայերին նամակ-հեռախոսազանգերով հորդորել Սենատի հատկացումների կոմիտեի նախագահ Դանիել Ինոյին, որպեսզի վերջինս աջակցի Հայաստանին տրամադրվելիք օգնությունը 70 միլիոնի հասցնելու առաջարկին: Ամերիկահայերը պետք է նաեւ կոչ անեն, որպեսզի Հայաստանին եւ Ադրբեջանին հատկացվելիք ռազմական օգնությունը հավասարապես բաշխվի:
