Երեկ վարչապետ Տիգրան Սարգսյանը 2 տասնյակից ավելի տուրիստական ընկերությունների ներկայացուցիչների հետ հանդիպման ժամանակ՝ նրանց «դատին» է ներկայացրել «Ցածրաբյուջե հանգիստ եւ շրջապտույտներ Արցախում» փաթեթը, ըստ որի՝ նախատեսվում է ակտիվացնել զբոսաշրջիկների հոսքը Արցախ, ինչը, ըստ վարչապետի, մի շարք առումներով կնպաստի հեռանկարային զբոսաշրջության ոլորտի զարգացմանը: Տուրիստական գործակալություններին առաջարկվել է կազմակերպել եռօրյա ճանաչողական այց՝ ԼՂՀ, եւ մանրամասն ծանոթանալ երկրի հնարավորություններին ու զբոսաշրջության զարգացման հեռանկարներին:
