Երեկ կայացավ ֆուտբոլի Հայաստանի բարձրագույն խմբի առաջնության 11-րդ տուրի «Փյունիկ»-«Արարատ» հետաձգված հանդիպումը, որի ավարտին անզիջում մրցակիցները զրոյական ոչ-ոքիով միմյանց խաղաղասիրաբար հրաժեշտ տվեցին: 0:0-ն ֆուտբոլում ամենատարածված հաշիվներից մեկն է ու ինչ-որ տեղ մարզասերներին ամենեւին էլ չի գոհացնում: Սակայն մեր պարագայում հանդիպումը պատմական ավարտ ունեցավ, քանի որ Հայաստանի բոլոր ժամանակների ամենաանվանի թիմն ընթացիկ առաջնությունում առաջին միավորը վաստակեց:
