Իրանում ընդդիմության առաջնորդները իշխանություններին կոչ են արել ազատ արձակել նախագահական ընտրություններին հաջորդած հուզումների ժամանակ ձերբակալվածներին: Ըստ «Ազատություն» ռադիոկայանի, հայտարարությունը ստորագրել են նախագահի թեկնածուներ Միր-Հոսեյն Մուսավին, Մեհդի Քարուբին եւ երկրի նախկին նախագահ Մոհամադ Խաթամին: Իրանում հունիսի 12-ի նախագահական ընտրություններից հետո բողոքի ակցիաներ սկսվեցին, որոնք պարբերաբար վերաճում էին ոստիկանության հետ բախումների: Դրանց հետեւանքով 20 մարդ զոհվեց, ավելի քան հազար մարդ ձերբակալվեց: Թեհրանի ոստիկանապետը կիրակի օրը հայտարարել է, թե ձերբակալվածների մեծ մասը ազատ է արձակված, սակայն մի քանի հարյուր մարդ դեռեւս պահվում է մեկուսարաններում:
