Մոսկվայում գիշերային ակումբներից մեկի մոտ տեղի է ունեցել ծեծկռտուք, որի հետեւանքով սպանվել է Հայաստանի քաղաքացի: Ինչպես հաղորդում է panarmenian.net-ը, վեճը բռնկվել է «Չուդնոյա դոլինա» գիշերային ակումբի մոտ, որն ընկած է Նովոչերկասկի պուրակում: Այնտեղ հանգստանում էին Հայաստանից եկած մարդիկ, որոնք վեճի մեջ են մտել հաստատության այլ այցելուների հետ: Հարաբերությունները պարզելու համար երիտասարդները դուրս են եկել փողոց, որտեղ սկսել են ծեծել միմյանց: Ծեծկռտուքի ժամանակ չարագործներից մեկը հանել է դանակը եւ երեք հարված հասցրել Հայաստանի 30-ամյա քաղաքացու կրծքին: Ընկերները նրան իսկույն հիվանդանոց են տեղափոխել, բայց բժիշկներն օգնել չեն կարողացել. նա մահացել է ընդունարանում: Այժմ ոստիկանները փնտրում են մահացու վնասվածք հասցրած չարագործներին:
