Մինչ Ուկրաինայի Մարգանեց քաղաքում հակահայկական տրամադրություններ են եւ բառիս բուն իմաստով հայերի որս, հայերի եւ նրանց ընտանիքների անվտանգությունն ապահովելու համար հատուկ ջոկատայինների 24-ժամյա հսկողություն է սահմանված, Ուկրաինայում ՀՀ արտակարգ եւ լիազոր դեսպան Արմեն Խաչատրյանը մայրաքաղաք Կիեւի քաղաքագլուխ Լեոնիդ Չերնովեցկու հետ քննարկել է Ուկրաինայի մայրաքաղաքում հայկական եկեղեցի կառուցելու հարցը: Ըստ դեսպանի, 30 հազարանոց հայ համայնքին պարզապես անհրաժեշտ է հոգեւոր տուն:
Կիեւում հայկական եկեղեցի կառուցելու հարցը վաղուց է քննարկվում: Հայերը փորձել են հողատարածք վերցնել Պոդոլ թաղամասում, սակայն տեղացիները դժգոհել են եւ հիմա քննարկվում է Խարկովյան զանգվածի Հայկական փողոցում եկեղեցի կառուցելու հարցը:
Կիեւի քաղաքագլուխը խոստացել է հարցը լուծել հնարավորինս արագ:
