Ֆուտբոլի Եվրոպայի լիգայի որակավորման առաջին փուլի առաջին հանդիպումներում Հայաստանի երկու թիմերը պարտություններ կրեցին:
Երեւանի «Բանանցը» մայրաքաղաքի Վազգեն Սարգսյանի անվան հանրապետական ստադիոնում 0:2 հաշվով զիջեց Բոսնիայի «Շիրոկի Բրիեգ» թիմին, իսկ Աշտարակի «Միկան» մրցակցի դաշտում 1:3 հաշվով պարտվեց Շվեդիայի «Հելսինբորգին»:
Եթե գլխավոր մարզիչ Սամվել Դարբինյանի «Միկա» թիմը պատասխան հանդիպումում դրսում կորցրածը ետ բերելու որոշակի շանսեր դեռ ունի, ապա «Բանանցի» վիճակը, կարելի է ասել, գրեթե անհուսալի է դարձել: Պատասխան հանդիպումները կայանալու են հուլիսի 9-ին:
