![\"\"](\"https://www.aravot.am/2009/aravot_arm/July/3/p1.jpg\")
Երեկ Մատենադարանին հարող տարածքում տեղի ունեցավ Հայ ազգային կոնգրեսի, այսպես կոչված, արտահերթ հանրահավաքը՝ ազատ արձակված քաղբանտարկյալների մասնակցությամբ, որոնց անհամբերությամբ սպասում էր հավաքված բազմությունը: Առաջինը Մատենադարանի հարթակ «բարձրացավ» քաղբանտարկյալ եւ 8 տարի ազատազրկման դատապարտված Սասուն Միքայելյանը, իսկ ավելի ճշգրիտ՝ վանատուրցիները «Սասուն» եւ «Ազատություն» վանկարկումների ու հավաքվածների ծափողջույնների ներքո հարթակ բարձրացրին Ս. Միքայելյանի մեծադիր դիմանկարը: Հետո հավաքվածները ջերմությամբ դիմավորեցին ՀՀ առաջին նախագահին եւ նրա հետ հարթակ բարձրացող արդեն ազատ արձակված քաղբանտարկյալներին: Մինչ հանրահավաքի մասնակիցները ողջունում էին նրանց, հարթակից ներքեւ՝ Մաշտոցի արձանի մոտո հավաքվածները կանխեցին վանատուրցի մի երիտասարդի՝ Սասուն Միքայելյանի ազատ արձակման պահանջով ինքնահրկիզման փորձը: Նա «վնասազերծվեց» հենց այն պահին, երբ բենզինով լցված շիշը դատարկեց վրան:
Կարդացեք
