Հանցագործ կնոջը սպառնում է մինչեւ 7 տարվա բանտարկություն:
Նյու Յորքի 29-ամյա բնակչուհի Մարի Լորադենը, ծնունդով Հայիթիից, հրկիզել է դստերը՝ նրանից, ըստ վուդու ծիսակարգի, «չար ոգիներին» դուրս քշելու նպատակով: Այժմ կինը ձերբակալված է, նրան ներկայացված է երեխայի վրա հարձակման եւ նրա առողջության նկատմամբ անփութության մեղադրանք: Ինչպես նշված է qahana.am-ի «Միջեկեղեցական լուրեր» բաժնում՝ «The Daily News»-ը հաղորդում է, որ Լորադենին սպառնում է 25 տարվա բանտարկություն: Ոստիկանությունը հաստատել է, որ կինն աղջկա շուրջ ռոմ է լցրել, այնուհետեւ մնացորդը լցնելով գլխին՝ հրկիզել է: Երեխայի հագուստը բռնկվելուց հետո մայրը ոչինչ չի արել հրդեհը մարելու համար: Դրանից հետո, բժշկական օգնություն ցուցաբերելու փոխարեն, աղջկան ուղարկել են քնելու:
Միայն օրվա վերջում է բարեկամներին հաջողվել Լորադենին համոզել՝ դստերը հիվանդանոց տանել: Բժիշկները հաստատել են մարմնի մակերեսի 25%-ի, այդ թվում՝ դեմքի, ոտքերի եւ մարմնի այրվածքներ: Լորադենը հերքել է իր հասցեին բոլոր մեղադրանքները: Նա հայտնել է, թե դստերը ինքը երբեք չէր վնասի:
